問題詳情

[第 3 篇]
        「出世三工就報喜，親情朋友鬥歡喜。滿月剃頭雞酒芳，祭拜祖先感謝天。四月日滿來收瀾，心肝寶貝趕緊大。七坐八爬九發牙，度晬過了走若飛。」這首唸謠是咧描寫嬰仔生長過程的民間風俗，尤其是做四月日收瀾，上趣味、上有人情味。
          做四月日的時，厝內就準備牲醴、紅桃、紅龜、酥餅來祭拜祖先、神明。後頭厝嘛會送「頭尾禮」（就是帽仔、鞋仔佮金仔）來祝賀，親像做「滿月」仝款。咧收瀾的時，用紅線穿過一捾酥餅，掛佇嬰仔的頷頸，去厝邊頭尾揣親情朋友鬥收瀾。

就遏一塊酥餅佇囡仔的喙䫌刮刮咧，閣愛講好話祝囡仔

大漢、好育飼，親像阿水伯就講：「收瀾收焦焦，予恁老母後胎生

脬。」阿水姆講：「收瀾收離離，明年招小弟。」福壽兄講：「收瀾收離離，健康好育飼。」福壽嫂講：「收瀾收焦焦，趕緊叫阿爸。」
        做四月日是一種傳統，嘛是一種祝福，閣較是人情味的表現。過程中有趣味、也有向望佮爸母疼囝的心情，嘛有濟濟人的祝福來陪伴囡仔平安大漢，是咱真重要的傳統文化。


【題組】7.根據本文，做四月日的時，下面佗一个選項是著的？
(A)厝內愛攢頭尾禮
(B)外家愛攢頭尾禮
(C)厝內愛攢雞酒
(D)外家愛攢雞酒

參考答案

答案：B
難度：非常簡單0.9
書單：沒有書單，新增

用户評論

【往標竿直跑】評論

通篇為台語，後頭厝=外家（台語）=娘家（中文）